Në këtë organizim morri pjesë edhe presidentja e Kosovës, Vjosa Osmani, e cila tha se fëmijët me Down Syndrome meritojnë jetë aktive e me dinjitet për të kontribuar në shoqëri.
Sipas saj, fëmijët me Syndrom Down mund të ndihen pjesë e barabartë e integruat e shoqërisë në Kosovë.
“Një dekadë më parë 11 tetori nisi të shënohet si dita e fëmijëve vajza, një ditë dedikuar për to është më shumë vëmendje dhe më shumë shanse të barabarta. Duhet të vazhdojmë përpjekjen tonë që fëmijëve vajza t’i sigurohet një jetë e sigurt, arsimim, shëndet i plotë që ato të shkëlqejnë”, tha Osmani.
Sipas saj, fëmijët me Syndrom Down do të mund të ndihen pjesë e barabartë e integruat e shoqërisë kosovare dhe ata kanë nevojë për ne secilën ditë.
“Personat me Syndrom Down kanë të drejt e kanë potencial të madh që të ndihen si pjesë e barabartë e shoqërisë dhe të kontribuojnë për shoqërinë tonë. Këta persona meritojnë jetë me dinjitet, aktive”, tha Osmani.
Medina Surdulli, pjesëtare e Down Syndrome Kosova, tha se po kërkojnë që t’u realizohen të drejtat e tyre, duke shtuar se atyre duhet t’u mundësohet përfshirja në shkolla, pune e në shoqëri.
“Në po kërkojmë që të na plotësohen të drejtat tona. Me mbështetjen e duhur ne po mundohemi të tregojmë potencialin tonë”, tha Surdulli.
Kurse, Sabahate Beqiri, drejtoreshë e Down Syndrome Kosova, u shpreh se shoqata që drejton ka mbi 980 anëtarë që përkujdesen për mbi 300 perosna me Syndromen Down, në 4 qendra të kësaj shoqate.
“Ne si shoqatë në vazhdimësi promovojmë vlera jo vetëm për komunitetin tonë, por promovojmë vlera që në këtë vend të këtë një të ardhme të sigurt”, u shpreh Beqiri./EO/
