Ai në emisionin “Info Nata” në tëvë1, tha se duhet të ketë masa tjera protestuese për realizimin e kërkesave.
“Konsideroj se kjo Qeveri apo cilado tjetër po besoj që do të vazhdojë deri në fund mandatin duhet të sjellë Ligj që ndalon përdorimin e fëmijëve në greva konkretisht për mësimdhënësit, duhet të ketë masa tjera protestuese që janë normale për mua”, tha ai.
Madje, njëjtë si kolegët partiakë të tij, deputeti deklaroi vazhdimisht se greva kishte agjendë politike.
Sipas tij, kërkesat e Sindikatës së Bashkuar të Arsimit për shtesa prej 100 eurosh ishin të njëjta me ato të Partisë Demokratike të Kosovës.
“Para se të del Sindikata për propozim 100 eurosh ka qenë PDK që ka thënë që duhet që mësimdhënësve t’u paguhet pagë shtesë… Ajo çka du me ndërtu me thënë për të cilën kemi kalu për një muaj është që SBASHK-u detyrimisht ka qenë i detyrum sa i përket vazhdimësisë së grevës. Në asnjë shtet të botës nuk përdorën fëmijët me i realizu grevistët interesat e tyre ndaj cilës do Qeveri… Ka pasur agjendë politike dhe konkretisht prej ish PAN-it”, shtoi Korenica./teve1.info/