Lidhur me këtë, kryetari i Lidhjes së Historianëve të Kosovës “Ali Hadri”, Selim Lokaj tha se një dialog të tillë nuk e kanë pranuar përfaqësuesit e Manastirit të Deçanit sepse konsiderojnë se kjo është “çështje e mbyllur”.
Sipas tij, ky refuzim për takim ka ardhur edhe për shkak të presionit nga Qeveria e Serbisë.
“Sa i përket dialogut duhet me qenë dy palët e interesuara. Zotërinjtë e Manasatirit të Deçanit e konsiderojnë si çështje të mbyllur pronësinë ndaj dy ndërmarrjeve që kanë qenë dhe që janë dhënë në mënyrë të padrejtë. Moti zoti Kurti e ka shpreh dëshirën për një dialog sa jemi në dijeni edhe për të vizituar Manastirin por personeli i Manastirit i shtyrë dhe nxitur nga Qeveria e Beogradit kurrsesi nuk pranon që ta pranon në bisedë apo në dialog Qeverinë e tanishme”, tha ai në emisionin “Ditari” në tëvë1.
Në vitin 2016 Gjykata Kushtetuese e Kosovës kishte marrë një vendim që i jep në pronësi Manastirit të Deçanit 24 hektarë tokë. Por ky vendim nuk është pranuar nga institucionet qendrore dhe ato lokale në Kosovë. Komuna e Deçanit pretendon se prona e dhënë për manastirin është është e kompanive shoqërore “Apiko” dhe “Iliria” dhe se asnjëherë nuk ka qenë e manastirit./teve1.info/