Por, kryetari i kësaj Sindikate, Imer Zeqiri thotë se po e kundërshtojnë një nismë të tillë për shkak se është e kundërligjshme.
Sipas tij, kjo “ndërhyrje” bie ndesh me disa nene dhe paragrafe të Ligjit për Organizimin Sindikal.
“Ka shkelje të organizmit sindikal te neni 4 paragrafi 3, neni 9 komplet dhe 25. Paragrafi 3 thotë se e drejta për anëtarësim në organizatë sindikale thotë: autoritetet qeveritare nuk mund të ndërhyjnë në të drejtat e lirive sindikale ndaj të punësuarve apo të pengojnë ushtrimin e lirshëm të sindikatave. Është një nen që e përshkruan shumë mirë të gjitha anëtarësimet në Sindikatën e PK-së edhe në tjerat bëhen me një deklaratë vullnetare që e obligon ligji. Anëtarësimi e thotë edhe neni 4 paragrafi 1 dhe neni 9 dhe kjo është forma që secili anëtarë në mënyrë vullnetare”, tha ai.
Po ashtu, ai në emisionin “Ditari” në tëvë1 ai tha se e kundërshtojnë këtë nismë edhe për faktin se në këtë mënyrë nuk mund të menaxhojnë të dhënat e Anëtarësisë, për të cilët shton se Thesari i Shtetit për muajin shtator i ka bartur në llogarinë e saj kuotat e tyre.
“Si është mundshme me një njoftim nga Thesari të gjithë anëtarët e Sindikatës dhe të ndalet kuota e Anëtarësisë në muajin shtator. D.m.th Thesari i ka ndalë kushtimisht përveç atyre që janë hy në platformë, ai deklarim për ne nuk vlen është i kundërligjshëm ngase nuk është i menaxhueshëm nga ne, duam t’i menaxhojmë të gjithë anëtarët… Është ndalë nuk është bartë në llogarinë e Sindikatës… Kjo përpos shkelje ligjore është edhe shkelje e të drejtave dhe lirive të njeriut”, shtoi ai.
Kryesindikalisti i Policisë tha se ka kërkuar përgjigje nga zyrtarët e Thesarit për këtë por që nuk ka pasur përgjigje, teksa bëri të ditur se shuma që ua kanë ndalur nga anëtarësia është rreth 20 mijë euro.
“Po ne kemi lëvizje të anëtarësisë, jo shumë por gati çdo muaj kemi rritje, po mesatarja është rreth 20 mijë euro për muajin e kaluar. Aty diku duhet të jetë ajo ngase ajo kuotë është që ndahet e dërgohet në Thesar dhe nuk është sekrete është publike dhe kjo që ka ndodhë nëse nuk e ka bërë për me i pengu nuk e di për çfarë arsye”, tha ai.
Tutje, Zeqiri shtoi se kjo mund të jetë edhe tendencioze për shkak se nga Thesari i Shtetit është dhënë afat vetëm prej 5 ditësh për pranimin e kërkesës.
“Fillimisht dëmtimi ka ndodhë sepse na është ndalë buxheti dhe këto ndihma nuk mund t’i realizojmë për anëtarët e Sindikatës së PK-së. Dëmtimi tjetër është se kemi një shumicë të zyrtarëve policorë nuk kanë qasje në internet kemi bërë përpjekje për këtë, por shumicën e kohës shpesh nuk ka rrjet dhe nuk mund ta bësh dhe kur e thashë më herët se për këtë platformë deklarimin e Sinidkatës merre me mend i kanë bërë 5 ditë afat mund të supozojmë tendencioze. Por pse dhe ku ka qenë motivi kjo është skandal është irritim i anëtarëissë sepse është ndërhyrje flagrante”, shtoi ai.
Krejt në fund, kreu i Sindikatës paralajmëroi edhe padi ndaj Ministrisë së Financave nëse nuk ka ndonjë reflektim nga ta dhe nëse nuk mirren parasysh kërkesat e tyre.
“Neve gjithsesi në rast se këta heshtin vazhdojnë me këtë heshtje ne do të vazhdojmë me procedura penale qoftë me padi me kërku atë kuotën që na kanë ndalë në mënyrë të padrejtë nëse edhe vlerësojnë ekspertët se ka vlerë”, tha ai./teve1.info/