Kervan tha se vetë fakti që sot Kosovës për herë të parë i janë rezvuar ulëse dhe i është dhënë e drejta e fjalës në Asamblenë Parlamentare të Këshillit të Evropës është një hap pozitiv drejt kësaj rruge.
“Lëvizje ka, sinjale pozitive ka. Fakti që na është dhënë e drejta e fjalës në Asamblenë Parlamentare dhe kemi për herë të parë vendet e rezervuara për Kosovën, e jo vendet ku pritnim më parë për mysafirët, kjo është një hap pozitiv. Prandaj tash pritet këtë vit që Komiteti i Ministrave të merr vendimin për të vlerësuar çështjen e Kosovës se a i plotëson kushtet apo jo dhe të gjitha këto janë hapa pozitive”, tha ai.
Më tej, Kervan në emisionin “Ditari” në Tëvë1 deklaroi se ka sinjale pozitive edhe te delegacionet e ndryshme me të cilat takohet.
“Edhe me delegacione të ndryshme edhe me deputetët individualisht që takohemi me të vërtetë të gjithë e pranojnë të vërtetën e Kosovës dhe shpresojmë që shumë shpejt Kosova do të jetë aty ku e meriton”, tha Kervan./Teve1.info/