Numri i rasteve të braktisjes së fëmijëve është në rënie.
Kjo krahasuar në vitet e fundit.
Këtë e thotë drejtori i qendrës për punë sociale, Vebi Mujku.
“Numri i këtyre rasteve është në rënie e sipër, jo vetëm në nivel të Prishtinës por në gjithë Kosovën, sepse kemi një vedisim të qytetarëve lidhur me kujdesin dhe mbrojtjen e tyre”, tha Mujuku.
Për faktorët që ndikojnë në braktisjen e fëmijëve ka folur shefja në repartin e neanotologjisë, Teuta Sejdiu Hasbahta.
“Këtë vit i kemi 11 fëmijë të cilët janë braktisur, 5 i kemi finalisht, ndërsa 6 janë që kanë shku në bashkim familjar. Janë disa faktor, është kur fëmija është jashtë marteses, gjendja ekonomike…”, ka thënë ajo.
Ndërkaq të gjitha ata fëmijë që braktisën, komunat ofrojnë ndihmë.
Adelinë Sahiti, Drejtoreshë e mirëqenies sociale në komunën e Prishtinës, thotë se ndihma ofrohet përmes trajtimit në strehimore.
“Këta fëmijë i trajtojm përmes strehimoreve që janë në komunën e Prishtinës aktualisht i kemi 10 fëmijë të braktisur, 5 janë me aftësi të kufizuar dhe 5 prej tyre po presin për strehim”, u shpreh Sahiti.
Për fëmijët e braktisur përkujdesje në vendin tonë ofrojnë edhe shumë organizata joqeveritare që merren me trajtimin e fëmijëve.
Kronika e realizuar nga gazetarja Lendrina Kodrolli