Në emisionin “Info Nata” të gazetarit Ardi Visoka, Sefaj ka thënë se ky ndryshim i ligjit, e fshinë memorien institucionale, i zhbënë të arriturat dhe u jep mundësi që t’i penalizojë zyrtarët sa herë ndërrohen pushtetet.
“Kjo e fshinë memorien institucionale, i zhbën të arriturat dhe krijon mundësi që sa herë ndërrojnë pushtetet të penalizohen zyrtarët e administratës shtetërore duke pamundësuar që të kemi zyrtarë të karrierës, të mbërrijmë t’i kryejmë detyrat për të cilat jemi të mandatuar nga legjislacioni në fuqi dhe veçmas për çka paguhemi nga taksat e qytetarëve tanë”, tha Sefaj.
Sipas tij, ky është shembulli i vetëm që një administratë shtetërore me ligj kthehet në administratë politike.
“Te Ligji për Zyrtarët Publik i kemi vërejtjet më të mëdha sepse ky ligj e kthen administratën shtetërore nga një administratë të karrierës në një administratë politike e që është pothuajse shembulli i vetëm eklatant që e kthen nga një administratë të karrierës në një administratë politike” është shprehur Sefaj në Tëvë1.
