Osmani përmes një postimi në Facebook, ka thënë se kryeministrin belg e ka falënderuar për mbështetjen për anëtarësimin e Kosovës në Këshillin e Evropës.
“Falënderova kryeministrin e Belgjikës, Alexander De Croo për mbështetjen belge për anëtarësimin e Kosovës në Këshillin e Evropës, si dhe perspektivën tonë euroatlantike”, ka shkruar ajo.
ADVERTISEMENT
Po ashtu, Osmani thotë se me De Croo kanë biseduar edhe për liberalizimin e vizave për Kosovën.
“Bashkëbiseduam për përmbylljen urgjente të procesit të liberalizimit të vizave për qytetarët e Kosovës, si dhe vendosmërinë e vendit tonë për ta avancuar rrugëtimin evropian duke aplikuar për anëtarësim në BE si hap të radhës”, tha më tej presidentja e vendit, Vjosa Osmani. /teve1.info/
