Tahiri e quajti Muratin humbësin më të madh, pasi sipas tij diskutimi i Muratit dhe bartja e përgjegjësisë se kush është humbësi, kush është shtytësi nuk qëndron.
“Në këto rrethana humbësi më i madh je ti Hekuran, prandaj pagat të dalin sot pastaj për shkak të mungesës së kuorumit të ulemi me grupet Parlamentare të hartojmë një rezolutë që i jep përgjigje temave të ngritura, një prej tyre është edhe zëvendësimi i orëve, jemi për shtimin orëve por jo të shtunave”, tha Tahiri.
Tahiri i tha ministrit Murati se nuk ka nevojë të shpreh mllef ndaj tyre por të gjej zgjidhje për një qështje që sipas Taahirit i preokupon të gjithë.
“Ministri Murati nuk ka nevojë me shpreh as mllef as pezëm sepse jemi duke fol për një problem që na preokupon të gjithëve. Murati mos të bëjë interpretime ligjore që nuk i takojnë. Kjo nuk është një temë që na ndanë, është një temë që na lidhë”, tha Tahiri.
Kurse s ai përket zëvendësimit të orëve mësimore, Tahiri tha se është qëndrim i AAK-së që orët mësimore të zëvendësohen por jo të shtunave.
Ai propozoi që të formohet një orar i zgjatur mësimor në mënyrë që të bëhet një gjë e tillë.
“Kemi mungesë të orëve dhe në këtë aspekt do të sjell para jush një letër që kryetari i Gjakovës ka pas që zëvendësimi i orëve të humbura gjatë grevës duhet të ndodh por AAK ka qëndrim që jemi kundër me i dërgua fëmijët të shtunave në shkollë. Jemi që të shtohen orët e mësimit por jo ti dërgojmë fëmijët të shtunave në shkolla”, tha Tahiri.
Ai këtë e arsyetoi me mungesën e energjisë elektrike dhe ngrohjen nëpër shkolla si dhe transportin e organizuar që përdorin shkolla të caktuara për nxënësit.
