Në njoftim bëhet e ditur se ky i fundit ka lëshuar territorin e Republikës së Kosovës së bashku me bashkëshorten dhe vajzën e tyre të mitur, teksa aktualisht gjinden në Siri.
“Prishtinë, 07 tetor 2022 – Prokuroria Speciale e Republikës së Kosovës (PSRK), ka ngritur aktakuzë në Gjykatën Themelore në Prishtinë – Departamentin Special, kundër të pandehurit me iniciale H.S, për veprën penale ‘’Organizimi dhe pjesëmarrja në grup terrorist’’ nga neni 143 paragrafi 2 të KPRK-së”, shkruhet në njoftim.
Tutje, thuhet se i pandehuri është financuar çdo muaj nga 100 dollarë, pasi ka bashkëpunuar me eprorë dhe me luftëtarë të “ISIS-it”.
“Prokuroria Speciale njofton se i pandehuri H.S., me paramendim dhe me dashje si dhe me përgatitje paraprake së bashku me bashkëshorten e tij dhe vajzën e mitur, ka lëshuar territorin e Republikës së Kosovës përmes Aeroportit Ndërkombëtarë “Adem Jashari” në Prishtinë, ka udhëtuar për në Stamboll – Turqi dhe përmes lidhjeve të caktuara ka depërtuar në Siri me qëllim që t’i bashkëngjitet Organizatës terroriste ‘’ISIS’’, e cila në këto vende ka qenë duke luftuar ku edhe është angazhuar si pjesëtarë i ‘’ISIS-it’’, si administrator në Byronë e ushtarëve të plagosur nën administrimin e ‘’ISIS-it’’, është financuar nga ‘’ISIS’’ me shumën e të hollave prej nga 100 dollar në muaj duke bashkëpunuar edhe me epror dhe luftëtarë të ‘’ISIS-it’’, njoftimi i plotë.
Ndërsa sipas tyre, me këto veprime ai ka kryer veprën penale “Organizim dhe pjesëmarrje në grup terrorist”.
