Në një konferencë të thirrur për media, Zemaj tha se tërë këto dështime kanë rënë në kurriz të qytetarëve dhe pacientëve të vendit.
“Dorëheqja e Rifat Latifit vjen si pasojë e dy faktorëve shtesë, dështimin e Kurtit si kryeministër dhe dështimin e Kurtit si ministër i Shëndetësisë. Për këta 18 muaj kanë ndodhur një sërë dështimesh dhe padrejtësisht kanë rënë në kurriz të qytetarëve e pacientëve, por edhe të profesionistëve shëndetësorë”, deklaroi Zemaj.
Më tej, Zemaj u shpreh se situata e krijuar në sektorin e shëndetësisë, është jashtëzakonisht shqetësuese.
“Tashmë është më se e vërtetuar se paaftësia e Qeverisë mbetet kryefjalë e udhëheqjes së pushtetit aktual. Kanë kaluar 18 muaj nga puna e kësaj Qeverie, ku 3 ministra deri më tani, përfshirë edhe Kurtin, e kanë udhëhequr Ministrinë e Shëndetësisë. I pari ka qenë më i dobët se i dyti, ndërsa Kurti është më i dobët se i dyti e i pari”, tha tutje Zemaj.
Kujtojmë se Latifi ishte kritikuar shumë për keqmenaxhim të dikasterit që udhëhiqte. Ai u emërua ministër në nëntor të vitit të kaluar./Tëvë1.info
