Me këto ndryshime, reklamuesit tani do të jenë në gjendje të vendosin reklama në faqen kryesore të “Explore”, si dhe drejtpërdrejt në feed-et e profilit.
Shtimi i më shumë reklamave vjen pasi Instagram vazhdon të përballet me reagime për ndryshimet e fundit.
Siç raportohet nga TechCrunch, këto njësi të reja reklamash ka gjasa të jenë jo të popullarizuara në mesin e përdoruesve të Instagram.
Meta tashmë është përballur me një sërë reagimesh për eksperiencën gjithnjë e më të çrregullt që ofron Instagrami në ditët e sotme.
Këto ankesa variojnë nga numri i postimeve të sugjeruara në feed, fokusi në Reels si dhe gjithashtu numri i reklamave në aplikacion.