Mirëpo krahas kësaj, Nitaj tha se marrëveshjet për targat dhe dokumentet, nuk janë fare të rëndësishme, pasi sipas tij, Kosova nuk do ketë përfitime nga to.
“Nuk më lë asnjë përshtypje se cili do jetë fati i marrëveshjes për targat. Në fakt, besoj që edhe marrëveshja për dokumentet nuk ka qenë fare e rëndësishme, pasi që nuk i ka sjellë përfitime të benefiteve Kosovës. Është një fat i mirë që disa nga fuqitë e mëdha, duke përfshirë edhe Gjermaninë, Francën, mirëpo në mënyrë të posaçme Shtetet e Bashkuara të Amerikës, janë të fokusuara për ta shtyrë procesin e dialogut përpara”, tha Nitaj në emisionin “Këndi i Debatit”.
Tutje, ai shtoi se për shkak të situatës së krijuar në Ukrainë, është momenti më i përshtatshëm që Kosova të insistoj për një marrëveshje përfundimtare me njohje nga Serbia.
“Çdo shtyrje e këtij momentumi, ose hezitim për mos ta shfrytëzuar kohën që ndodhemi aktualisht, shkon në dëm të Kosovës”, theksoi Nitaj në Tëvë1.