Ai tha se me Listën Serpska nuk mund të rrëzohet Qeveria teksa theksoi se nuk e bëjnë atë.
“Ne nuk kemi numra, ne i kemi 40 numra madje në shumicën e rasteve i kemi 39 numra , pra ne nuk i kemi numrat për thirrje të një seance të jashtëzakonshme, si mund ta rrëzojmë ne Albin Kurtin, me Listën Serpska a? Jo nuk e bëjmë ne atë”, tha ai.
Tutje, Tahiri në emisionin “Këndi i Debatit” tha se mekanizimi i cili e rrëzon një Qeveri është në Kuvend dhe sipas tij kushdo që mendon me rrëzu Kurtin në këtë kohë është gabim.
Ai tha se një rrëzim i tillë duhet të bëhet vetëm në rast se është duke lëvizur vija kombëtare për të cilën thotë se është te gjaku i njerëzve që nuk janë me dhe SHBA-të.
“Mekanizmi i cili e rrëzon një qeveri është në Kuvend, kushdo që mendon që fiton Kosova, që fiton demokracia, që fiton interesi kombëtar me rrëzua Albin Kurtin me rrugë në kohën kur krejt bota është kah Rusia dhe Kina po e stimulon destabilizimin e ka gabim. Rruga duhet të jetë opsioni i fundit kur e shohim që është duke na lëvizur vija kombëtare, vija kombëtare është në dy vende, është te gjaku i njerëzve që nuk janë me ne dhe është tek Shtetet e Bashkuara të Amerikës. Në këto dy vija kur të lëvizë atëherë duhet t’i dalim në rrugë”, tha Tahiri./Teve1.info/
