Sipas tij, të gjitha situatat e krijuara deri më tani, duke përfshirë këtu edhe protestat e veteranëve të luftës deri te grevat e mësimdhënësve, kanë ardhur për shkak se Qeveria Kurti nuk ka bërë asnjë veprim për tejkalimin e atyre problemeve.
“Tri afate i ka tejkaluar Ligji i Pagave, e kjo i prekë pothuajse 70 mijë njerëz që janë familje të sektorit publik. Pastaj është vonuar rezoluta që është votuar në raport me tavanin e projekteve kapitale që duhej të ngriteshin për shkak të çmimeve momentalisht. Nga kjo janë prekur minimum 20 mijë njerëz. Pra 20 mijë njerëz të sektorit privat janë jashtë. Nuk jam duke e akuzuar Albin Kurtin e as Qeverinë për krizën globale të energjisë. Pas situatës së veteranëve, tani e kemi situatën me grevë nga SBASHK-u, nesër do ketë situata të tilla edhe me sektorët tjerë. Kjo tregon një papërgjegjshmëri serioze. Kjo është një Qeveri të cilës i ka humbur rruga totalisht”, tha Tahiri i ftuar në emisionin “Këndi i Debatit”.
“Qeveria Kurti duhet të akuzohet vetëm për mosveprimin që nuk e kanë bërë. Masat janë zero”, shtoi Tahiri tutje./Tëvë1.info/
