Gjatë intervistës në “Këndi i Debatit”, Hoti u pyet në qoftë se mund të ndodhë një gjë e tillë, teksa nuk e mohoi këtë supozim, ai tha se tani për tani janë të fokusuar ta kryejnë si duhet rolin e tyre opozitar.
“Tash nuk është ajo temë, jemi të fokusuar në kryerjen si duhet e rolit tonë opozitar. Kur mbahen zgjedhjet në parti secili ka të drejtë të garojë për tu bërë kreu i LDK-së. Po ashtu, ne në LDK njihemi për garë të vërtetë për kreun e LDK-së”, tha deputeti i LDK-së në Tëvë1.
Kujtojmë se gjatë kohës kur Hoti ishte në detyrën e kryeministrit, pati thënë se Qeveria e udhëhequr nga ai do t’i ketë dy prioritete, “luftën në menaxhimin e pandemisë me koronavirusin dhe rimëkëmbjen ekonomike pas kësaj pandemie”./Tëvë1.info/