Sipas Hotit, anulimi i kësaj marrëveshje është e mundur sepse siç tha ai, është ratifikuar në bazë të ligjit dhe në bazë të ligjit mund të anulohet.
Ai në emisionin “Këndi i Debatit” me Dukagjin Maliqin, theksoi se partia e Kurtit e ka kundërshtuar me të gjitha format sa ishte në opozitë marrëveshjen për Asociacionin, prandaj kërkoi që tani të veprojë Vetëvendosja.
“Nuk janë të zot me thënë jo nuk e zbatojmë këtë marrëveshje, edhe me sjellë në Kuvend në bazë të Ligjit për Marrëveshje Ndërkombëtare anulimin e kësaj marrëveshje. Këta e kanë luftuar këtë marrëveshje, e kanë kundërshtu me të gjitha format. Normalisht me dëshirë nuk do e kishim bërë këtë marrëveshje, por edhe pavarësinë kur e kemi shpallë e kemi shpallë në bazë të Planit të Ahtisarit me disa garancione që kemi dhënë ne si popullësi shumicë ndaj pakicës, ndaj komuniteteve jo-shumicë”, tha ai./teve1.info./