Sipas Hotit, partia e tij ka për synim shtetndërtimin e Kosovës, teksa shtoi se qytetarët e vendit tanimë kanë besim të plotë ndaj LDK-së.
“Gati me siguri të plotë flasim që Qeveria e ardhshme do jetë e udhëhequr nga Lidhja Demokratike e Kosovës. Mënyra se si bëjmë politikë ne, shpesh marrim kosto mbi vete për hir të proceseve, për rëndësinë që kanë ato procese dhe shtetndërtimin e Kosovës. Me kalimin e kohës kjo gjë po reflektohet në besimin e qytetarëve ndaj LDK-së”, tha Hoti në emisionin “Këndi i Debatit” në Tëvë1.
Ndërkaq, edhe kohë më parë, Hoti përmes një postimi në Facebook, ka shkruar se shteti i Kosovës nuk do ketë normalitet në qoftë se LDK-ja nuk do të jetë në pushtet./Tëvë1.info.
