I ftuar në Tëvë 1, Ukaj tha se është skeptik sa i përket idesë së Macronit sepse sipas tij, Bashkimi Evropian nuk dëshiron të ketë anëtare të tjerë brenda gjirit të saj dhe siç tha ai, me idenë e Macronit dëshiron t’i mbajë disa vendet tjera në një paradhomë dhe mos t’i anëtarësojë në BE.
Teksa theksoi se ky vendim është në interes të vendeve të fuqishme evropiane si Franca, Gjermania etj.
“Unë e shoh më shumë si një paradhomë që t’i mbledhë vendet e Ballkanit dhe vendet e tjera dhe të ketë një bashkëpunim ekonomik më shumë, që të diskutohen edhe çështjet e sigurisë dhe çështjet që kanë interes të përbashkët me Bashkimin Evropian. Mirëpo mund të jetë edhe një ndihmë nga BE-ja, për këto vende që t’i përmbushin kriteret. Mirëpo unë më shumë e shoh si një dualizëm ose një paradhomë që këto vende t’i mbajë sa më gjatë në këtë iniciativë dhe të zgjatet anëtarësimi në BE”, tha Ukaj në emisionin “Ditari” në Tëvë1./teve1.info./
