Kështu ka deklaruar nënkryetari i partisë opozitare, Lutfi Haziri në emisionin “Respublika” me Zijadin Gashin në Tëvë1.
‘’Nëse gjendet një rrugë ku përfshihen partitë e opozitës natyrisht që LDK dialogun e ka mjetin më të fuqishëm politik për me zgjedh problemin dhe ne marrim pjesë por me një opozitë të bashkuar me shoqëri civile sepse shtylla tjetër e pushtetit mekanizmat nuk është e domosdoshme e përfshirë drejtpërdretj, por në mënyrë indirekte’’, tha Haziri.
Sipas tij, me shkuarjen në negociata në Bruksel, Lëvizja Vetëvendosje ka thyer parimin e saj kundër këtij procesi.
Ai thotë se nëse nuk tregohet një kreativitet politik në dialog, Kosova mund të jetë palë e dëmtuar në këtë proces.
“Por aty shkohet për negociata, tendenca për me thënë që ne nuk negociojmë nuk është e besueshme më sepse kanë shkuar në takim, janë duke negociuar por çështje teknike, është thyer parimi i Vetëvendosjes që ne flasim me serbët e Kosovës dhe jo të Serbisë, janë duke folur sepse janë ballafaquar me realitetin. Nëse nuk tregohet lidership i fuqishëm dhe kreativitet politik në negociata mund të jemi palë e dëmtuar dhe ky është shqetësimi im është se mund të lëndohemi në këtë proces nëse vazhdojmë ta trajtojmë në këtë formë dialogun”, deklaroi ndër tjerash ai./teve1.info/
