Në një lidhje direkte në emisionin “Ditari” në Tëvë1, ajo u shpreh se për shkak të vonesave në ndërtimin e shkollës që ka filluar në vitin 2016, disa prindër detyrohen t’i bartin fëmijët në një lokalitet tjetër për të ndjekur mësimet.
“Siç e keni parë sot ka qenë një protestë konsideroj e vonuar, por jashtëzakonisht e arsyeshme sepse edhe banorët e Pozheranit janë lodhur me premtime edhe arsyetime se kur duhet të përfundojë objekti i shkollës. Disa prej prindërve detyrohen sepse nuk pajtohen të shkojnë fëmijët e tyre në ‘Kongresin e Manastirit’ orar me katër ndërrime, detyrohen edhe në një lokalitet tjetër t’i bartin fëmijët e tyre”, tha ajo.
Kurse, nga Ministria e Arsimit drejtoresha thotë se është informuar se janë në proces të kontraktimit të një operatori të ri.
“Për herë të parë ndoshta kemi marrë një përgjigje me shkrim nga MASHTI, janë në procedurë të kontraktimit të një operatori të ri dhe afati dinamik për të përfunduar kontratën faktikisht ende nuk kemi një njoftim zyrtar se kanë kontraktuar një operator”, tha ajo.
Emini theksoi se për këtë gjysmëvjetor kanë hartuar një variant të zhvillimit të mësimit me orar të shkurtuar.
“Ne jemi mundu me i pas 2-3 variante. Kemi dhënë me i bartë në një shkollë tjetër, por kuptohet meqë është arsim fillor prindërit nuk kanë pranuar. Kemi filluar kemi bërë një orar nga 7:30 deri në 12:0 të shfrytëzohet nga shkolla e mesme kurse më pas nga shkolla fillore deri në orën 20:00”, tha ajo./teve1.info/