Përmes një postimi në Facebook, ai tha se në vend të urimit për një fillim të mbarë të shkollës, mësuesit janë privuar nga e drejta elementare sepse po u ndalet buka e gojës.
Madje, deputeti opozitar vlerëson se ekzekutivi është fajtor për humbjen e mësimit të nxënësve dhe për ç’rregullimin e organizimit familjar.
“Regjimi i kuq; nxënësit i dënoi me humbje të mësimit, prindërit me ç’rregullim të organizimit familjar, ndërsa mësuesit me ndalje të bukës së gojës. Regjimi i kuq nuk është zgjidhje, sepse për krejt është i padrejtë”, thuhet ndër tjerash në postimin e tij.
Ndryshe, të hënën e 3 tetorit ka filluar viti i ri shkollor pas një muaj grevë organizuar nga Sindikata e Bashkuar e Arsimit në sistemin arsimor.
Por, të njëjtën ditë zëdhënësi i Qeverisë, Përparim Kryeziu ka bërë të ditur se nuk do të ekzekutohen pagat për mësimdhënësit që ishin në grevë./teve1.info/
