Sipas njoftimit, mëngjeset parashihen të jenë relativisht të freskëta dhe dhe në shumë vende mund të paraqitet mjegulla, kryesisht ultësirave.
“Vranësira do të ketë vetëm në stadet e larta të Troposferës. Lagështia relative mesatare ditore parashihet ti shënoj vlerat rreth normales, (50-75%), ndërsa sa i përket presionit atmosferik, vlerat e saj mbeten mbi normalen (1013mb)”, thuhet në njoftim.
Tutje, IHMK ka bërë të ditur se temperaturat minimale do të lëvizin mes 2 deri 8 gradë Celsius teksa maksimalet mes 16 deri 24 gradë Celsius.
“Sasitë e reshjeve për muajin shtator ishin rekorde dhe shumë të mirëseardhura për gjitha sferat e jetës. Shtrirja e tyre si zakonisht nuk ishte uniforme. Në muajin që lamë pas, më shumë reshje u regjistruan në rrafshin e Kosovës, se sa në rrafshin e Dukagjinit edhe pse sipas statistikave në Dukagjin gjithmonë kemi më shumë reshje”, thuhet në njoftim./teve1.info/
