Pas një jave, janë gjetur dy vajzat e moshës madhore nga regjioni i Pejës, që rezultonin si të zhdukura.
Ato janë lajmëruar në stacionin policor në Pejë, në gjendje të mirë shëndetësore.
“Viktimat deklarojnё se janё nё gjendje tё mirё shëndetёsore, dhe nuk kanё pasur ndonjё keqtrajtim, gjithashtu tё njëjtat janё kontrolluar nga mjeku kujdestar, ato deklarojnё se nga shtёpitё janё larguar me dëshirën e tyre dhe deri më sot kanё qёndruar nё njё shtёpi tё pabanuar nё fshatin Qungur- Pejё”, thonë nga Policia.
Të njëjtat sipas Policisë, nuk duan të kthehen në shtëpitë e familjeve të tyre.
Madje, ato nuk kanë pasur as komunikim me familje.
Prindi i njërës prej vajzave, Salih Berisha, ka konfirmuar se nuk e ka parë të bijën pas gjetjes së saj.
Ndërkohë nuk shpreh asnjë dyshim se çka qëndron prapa gjithë kësaj situate.
Pas gjetjes, dy vajzat janë dërguar në strehimore në bashkëpunim me zyrtarët për punë sociale.
Kronika e realizuar nga gazetarja Florijeta Dernjani.
