E në lidhje me këtë ka folur, Enkel Rexhepi nga Këshilli Kombëtar i Shqiptarëve në Serbi. Ai tha se këtë herë shqiptarët kanë vendosur që të jenë pjesë e regjistrimit të popullsisë.
“Këtë herë shqiptarët kanë vendosur që të jenë pjesë e regjistrimit të popullsisë, pasi më herët ka qenë i bojkotuar nga shqiptarët, nga trysnitë e serbëve që kanë bërë të pamundur që shqiptarët të jenë pjesë e regjistrimit”, ka deklaruar Rexhepi në emisionin “Ditari” në Tëvë1.
Ai thotë se kësaj radhe Serbia ka bërë një hap më ndryshe, ku ka lejuar që të regjistrohen të gjithë shqiptarët.
“Këtë herë, Serbia ka bërë një hap pak më ndryshe e cila ka lejuar që të regjistrohen të gjithë shqiptarët dhe ne kemi marrë të gjitha masat për përgatitjen për regjistrim dhe aty ka filluar shumë fushatë dhe shumë gjëra që shqiptarët të jenë të regjistruar dhe mund të dimë se sa është numri i shqiptarëve vërtet”, tha më tej Rexhepi. /teve1.info/
