Ministri Murati theksoi se Kosova me subvencionim më të ulët, ka arritur që të mbajë tarifat më të ulëta se sa shtetet tjera, shkruan teve1.info
“Si shtet kemi fatin që po e tejkalojmë më së lehti dhe më së liri në rajon këtë krizë. Pra të gjitha shtetet tjera që i kemi fqinje, tashmë nga buxheti kanë ndarë më shumë sesa ne për subvencionim të energjisë elektrike, dhe përkundër saj, tarifat i kanë më të larta se ne. Do të thotë, ne me subvencionim më të ulët sesa shtetet tjera kemi arritë t’i mbajmë tarifat më të ulëta sesa ato shtetet tjera”, tha ai.
Ministri Murati është duke u intervistuar nga Komisioni Hetimor Parlamentar, në lidhje me menaxhimin e krizës energjetike nga Qeveria e Kosovës. Ky Komision është formuar më 5 maj, me kërkesë të opozitës. /Teve1.info/
