Përmes komunikatës, Shoqata bën të ditur se në Zyrën e Kryetarit të Shoqatës Sindikale, Agron Maloku, është ndërruar cilindri i derës duke pamundësuar qasjen në zyrën e tij në arkivë, vulë dhe dokumentacione tjera.
“Pas largimit të kryetarit të Shoqatës Sindikale, në kundërshtim me legjislacionin në fuqi, sot më datë 28 shtator 2022, menaxhmenti i MPJD-së në mënyrë të dhunshme ka hyrë nëzyrën e Kryetarit të Shoqatës Sindikale z. Agron Maloku duke e ndërruar cilindrin e derës dhe duke pamundësuar qasjen në zyrën e tij, nëarkiven, vulën dhe dokumentacionet tjera të Shoqatës të krijuara vite me radhë që nga themelimi saj nëmars të vitit 2017. Shoqata Sindikale shprehe shqetesimin e saj lidhur me këtë incident dhe njëkohësisht ju bënë me dije se çdo lëshim eventual i ndonjë dokumenti në emër të Shoqatës Sindikale konsiderohet si keqpërdorim nga zyrtarët përgjegjës për ndërmarrjen e këtij veprimi të kundërligjshëm”, thuhet në njoftim.
Tutje, kjo Shoqatë thotë se me këtë akt të turpshëm dhe kundërligjor, menaxhmenti i MPJD-së është duke thelluar kundëligjshmërinë në këtë institucion.
Madje, ata u kanë bërë thirrje organeve përgjegjëse që të ndërmarrin urgjentisht veprimet për hetimin e rastit.
“Me këtë akt të turpshëm dhe kundërligjor, menaxhmenti i MPJD-sëështë duke e thelluar kundërligjshmërinë dhe konsumuar dhe kryer vepra penale të inkriminuara me legjislacion penal në Republikës e Kosovës. Shoqata Sindikale iu bënë thirrje Policisë së Kosovës dhe Prokurorisë së Shtetit që të ndërmarrin urgjentisht veprimet në drejtim të hetimit të rastit dhe ndjekjes penale të autorëve të këtij veprimi kundërligjor”, thuhet në njoftim./teve1.info