Mediet ndërkombëtare duke u thirrur në burime, kanë raportuar se takimi do të mbahet në Pragë, më 6 tetor dhe sipas tyre Bashkimi Evropian, tanimë i ka dërguar ftesën vendeve jo-anëtare të BE-së, për pjesëmarrje në këtë samit.
Tëvë1 merr vesh se institucionet e Kosovës nuk kanë pranuar ftesën për pjesëmarrje në takimin e parë të Komitetit Politik Evropian. Por, në anën tjetër, ende nuk është bërë e ditur se cili nga institucionet do ta përfaqësoi vendin në këtë takim, Presidenca apo Qeveria, në rast të pranimit të ftesës.
Televizioni ka provuar të marr një përgjigje nga Këshilli Evropian, në lidhje me atë nëse i është dërguar ftesa edhe Republikës së Kosovës për të marr pjesë në këtë takim, por ende nuk kemi marrë ndonjë përgjigje.
Ideja e Macron-it bazohet në atë që- vendet aspiruese nuk duhet ta shqyrtojnë BE-në si opsionin të vetëm, por mund të mblidhen rreth një organizate të re që në thelb ka vlerat e njëjta me Bashkimin Evropian.
Kancelari gjerman Olaf Scholz, gjatë vizitës që kishte në Kosovë në muajin qershor, këtë ide të Macronit e ka cilësuar si interesante, dhe po në këtë konferencë për media pati paralajmëruar se vjeshtë do ta rivitalizoi Procesin e Berlinit.
Në Samitin e Pragës, përveç gjashtë vendeve të Ballkanit Perëndimor, do të marrin pjesë edhe vendet e tjera që janë jashtë Bashkimit Evropian.