Rohde, është shprehur shumë optimist se liberalizimi i vizave për kosovarët është afër të ndodhë.
“Siç po më shihni mua, jam shumë optimist se liberalizimi i vizave po bëhet. Kjo çështje do të diskutohet shumë shpejt në Bruksel, ku do të mblidhen Këshilli i Ministrave, grupet punuese dhe më pastaj janë disa punë administrative. Po e përsëris jam ambasadori i fundit që do më pyesni për vizat”, tha ai.
Ambasadori gjerman, deklaroi se Gjermania favorizon procesin e Berlinit para Ballkanit të Hapur. Ai tani nën udhëheqjen e Kancelarit gjerman, Olaf Scholz, pret rezultate më konkrete për vendet e Ballkanit perëndimor.
“Kancelari Olaf Scholz e ka rifilluar procesin dhe i ka ftuar të gjithë liderët e këtyre shteteve në Berlin me 3 Nëntor për pikërisht të njëjtat shkaqe pse është nisur Procesi i Berlinit: Tregu i Përbashkët Evropian, liria e lëvizjes, letërnjoftimet, njohja e ndërsjellë e diplomave. Në anën tjetër në Ballkanin e Hapur nuk janë të përfshira të gjitha gjashtë shtetet e Ballkanit Perëndimor, por aktualisht vetëm tre”, u shpreh diplomati gjerman.
Mes tjerash, Rohde ka folur edhe për mungesën e investimeve ne Kosovë. Ai thotë se i takon qeverisë të krijoj kushte më të mira për investitorët.
“Investitorët vijnë, nëse ka klimë të mirë të investimit, nëse shohin se licencat e nevojshme lëshohen me kohë. Ka hapësira për përmirësime. Unë diskutoj shumë me afaristë kosovarë dhe gjermanë të cilët dëshirojnë të investojnë, posaçërisht tani që kemi një lloj tensionimi në mbarë botën. Mendoj se ndonjëherë vendimet duhet të merren më shpejt”, shtoi Rohde.
Intervistën e plotë me ambasadorin gjerman mund ta ndiqni me fillim nga ora 20:40 në Këndin e Debatit, me Dukagjin Maliqin.
Kronika e gazetarit Shpat Blakçori.