Shabani tha se kryeministrin Albin Kurti më herët ka qenë përkrahës i sindikatave, teksa tani sipas tij, Kurti po i fyen ato.
“Zgjidhja më e mirë e këtij problemi do ishte një dialog serioz. Deri sot nuk ka pasur biseda serioze, prandaj janë krijuar pasoja. Së pari, Qeveria nuk ka qenë serioze. Është koha të ulen dhe të bisedojnë seriozisht. Kryeministri po vepron keq, po i fyen mësimdhënësit. Pasi, Kurti më herët ka qenë përkrahës i atyre sindikatave, kurse sot po harron. Këtyre ditëve, veprimet e Kurtit kanë treguar se ai gjithmonë ka dashur të tregojë se “unë këtu pyetna, unë jam baba”, tha Shabani.
Më tej, deputeti i PDK-së tha se në shumë raste mësimdhënësit detyrohen të mbajnë edhe punë dytësore, pasi pagat në arsim janë të ulëta.
“Shumë mësimdhënës kryejnë edhe punë të dyta për ta mbajtur familjen, kjo do i dëmtojë jashtëzakonisht shumë”, tha ai në emisioni “Ditari”./Tëvë1.info/