Përmes një komunikate për media, Prokuroria Themelore në Gjakovë ka bërë të ditur se gjatë periudhës kohore janar – gusht 2022, ka ngritur 10 aktakuza, kundër 10 personave për veprat penale, “Sulmi seksual”, “Dhunimi”, si dhe “Mundësimi apo detyrimi në prostitucion”, përcjellë teve1.info.
Po ashtu, për këtë periudhë kohore thuhet se prokuroria ka bërë kërkesë për caktimin e masës së paraburgimit ndaj 6 personave të dyshuar si kryerës te këtyre veprave penale, të cilat janë aprovuar nga gjykata kompetente.
“Prokuroria Themelore në Gjakovë, është e angazhuar që të kryejë me seriozitet të lartë të gjitha rastet, e me prioritet dhe urgjencë, rastet nga kapitulli i veprave penale kundër integritetit seksual”, thuhet në njoftimin e kësaj prokurorie.