Në një konferencë për media, Tërnava theksoi se mësimdhënësit dhe shërbyesit civil duhet të kërkojnë të drejtat e tyre përmes dialogut social.
“Ne mbështesim kërkesën e mësimdhënësve të Kosovës për pagë të dinjitetshme…thërras SBASHK-un që për hir të misionit që bartin mbi vete që sot ta ndërpresin grevën dhe që nesër fëmijët tanë të kthehen në bankat e shkollës…apeloj që të dy udhëheqësit e Sindikatave të tregohen të arsyeshëm, të urtë dhe t’i kthehen normalitetit”, tha ai.
Tërnava po ashtu ftoi Qeverinë dhe Kuvendin që ta miratojnë sa më shpejt Ligjin e Pagave. /Teve1.info/