Çmimi për një bukë në Fushë Kosovë ka shënuar rritje.
Prej pesëdhjetë cent sa ishte, tash qytetarët po paguajnë gjashtëdhjetë cent.
“Pa pagu naj mjek, barna ç’barna mos t’folim k’to senet tjera. Veç bukën pe marim përballimi hajde 30 cent, 35. Çka t’ është me nalt është vdekje”, thotë pensionisti, Negjip Shehu.
“Kjo nuk është punë e mirë për shkak se po bëhet ngritja e çmimeve, kurse pesha ka mbet e njëjtë ose bili munet me kanë edhe ma e vogël edhe n’qito rrethana është pak problem”, thotë banori, Veli Veliu.
Mëgjithatë ka prej atyre, që rritjen prej dhjetë cent nuk po e konsiderojnë të shtrenjtë.
“Ende në Kosovë është buka lirë, sepse derisa t’gjojna nëpër shporta t’bërllogut hale bukë , vjerr nëpër kese blejnë pa masë edhe i hedhin nëpër shporta ajo është treguesi ma i mirë që buka është ende lirë”, thotë banori tjetër, Mehmet Brahimi.
Mendimin e njëjtë me qytetarët që po e konsiderojnë rritjen të paarsyeshme është edhe Kryetari i Shoqatës së Konsumatorëve, Selatin Kaqaniku.
“Është zullum, terror. Nuk mund t’i përballojmë dot më, aq më parë nëse kemi të bëjmë me artikuj themelor ushqimor sic është buka dhe produktet tjera nga gruri e mielli”, tha Kaqaniku.
Televizioni ka kontaktuar edhe shoqatën e mullistëve të Kosovës, por ata nuk kanë dashur të flasin para kamerës. Ndonëse përmes telefonit thanë se nuk e dinë pse po rritet çmimi i bukës, ngase çmimi i miellit është i njëjtë.
Kronika e realizuar nga gazetarja Flakë Ajeti.
