Njëri nga ta është “Eurthyrox”.
“Eurthyrox” është bar i cili përdoret me përshkrimin e endrokinologut për trajtimin e gjëndrës tiroide, por ky bar nuk ka licencë për shitje në tregun farmaceutik.
Në Ministrinë e Shëndetësisë kanë thënë që QKMF-të kanë qenë të furnizuar me këtë produkt deri në fillim të këtij viti.
“Ju njoftojmë së MSH ka furnizuar QKMF-të me këtë produkt deri në fillim të këtij viti kur edhe ka skaduar kontrata. Momentalisht MSH është në procedurë të kontraktimit të këtij produkti. Sidoqoftë QKMF-të, në raste të mungesës së ndonjë bari, kanë mundësinë e kontraktimit të tij përmes buxhetit nga Granti specifik të ndarë nga Qeveria”, thuhet në përgjigjen e MSH-së.
Por, blerjen e këtij bari edhe pse nuk është në listën e barnave të tregut farmaceutik po e sheh si shumë shqetësuese, kryetari i Shoqatës së Pacientëve.
“Mjekët përshkruajnë asi lloj barna të cilat nuk janë këtu dhe mandej ato futen ilegalisht me kërkesën e pacientëve, dmth që është diçka më tepër sesa shitja e barnave”, shprehet Besim Kodra nga kjo shoqatë.
Futjen e barnave në mënyre ilegale po e cilëson si të rrezikshme edhe gazetari i sektorit të shëndetësisë, Bujar Vitija.
“Rrezikohet shëndeti i qytetareve nga këto barna të cilat hynë në Kosovë pa asnjë kontroll, nuk janë të regjistruara”, thotë Vitia.
Ndërkohë në Odën e Farmacistëve thonë se çështja e legalizimit të barnave nuk varet nga Ministria e Shëndetësisë por nga vet prodhuesit të cilët nëse kanë interes mund ta regjistrojnë dhe ta shpërndajnë përmes kanaleve zyrtare importuesve, distributorëve dhe barnatoreve.
Kronika e realizuar nga Flakë Ajeti
