Kjo, pasi siç thotë ai, Qeveria është fajtori kryesor për krijimin e rrethanave të tilla kur sistemi arsimor është në grevë.
“Po e kam parë që sot dmth në Shkollën ‘Faik Konica’ nga ora 12:00 ka filluar një protestë, por këta prindër më mirë është dashtë të shkojnë para Qeverisë sesa shkollave, sepse kemi biseduar edhe ne se në shkolla të mos shkohet t’i pengojnë mësimdhënësit se janë në grevë. Prandaj e drejta e prindërve është të protestojnë edhe ne jemi të gjejmë një zgjidhje. Mirëpo kjo nuk ua ndalon që të protestojnë por më e drejtë ka qenë që të bëjnë protestë afër Qeverisë dhe të kërkojnë të reflektojë dhe t’i realizojë kërkesat tona që janë minimale”, tha ai.
Madje, Pllana në një lidhje direkte në emisionin “Ditari” në Tëvë1 deklaroi se mësimi në këtë shkollë ku protestuan prindërit në kryeqytet nuk do të fillojë mësimin të martën.
“Në këtë kohë sidomos janë të informuar për protestat, por çdo herë kemi thënë se prindërit kanë të drejtë të protestojnë që fëmijët të shkojnë në shkollë, por mos të shkohet para shkollës, të shkohet para Qeverisë… Si e ka shpallur BSPK-ja ashtu do ta mbyllë grevën kur të realizohen kërkesat dhe nuk besoj se mësimdhënësit do ta fillojnë mësimin, u lajmëru edhe një shkollë tjetër ‘Hasan Prishtina’ por në këtë orar 30 minutësh nuk e di a është ligjore se a mund të mbahet”, shtoi ai.
Po ashtu, ai tha se ka një presion te disa mësimdhënës për të filluar procesin mësimor, teksa shton se greva nuk do të thyhet për shkak se “kanë një qëllim të përbashkët”.,
“Nuk besoj se do të thyhet greva për arsye se kanë qëllimin mësimdhënëve për çka kanë hyrë në grevë dhe e dinë se janë hy me një qëllim e ai është Ligji i Pagave që nuk po aprovohet nga Qeveria. Prej dhjetorit të vitit të kaluar kemi bërë presion e kërkesa Qeverisë të ulet e bisedoj me sindikatat por deri në momentin e fundit nuk ka pasur biseda mes Qeverisë dhe Sindikatave”, tha ai,
Tutje, ai thotë se janë të gatshëm që në çdo moment të mbajnë takime me Qeverinë për të gjetur një zgjidhje që të fillojë procesi mësimor./teve1.info
