Ai në emisionin “Ditari” tha se Komunat nuk janë palë e kësaj çështje teksa thekson se komunat janë duke pësuar nga ky problem.
“Te çështja e grevave, neve kryetarët e komunave kanë bërë apel që dy palët e përfshira në këtë çështje të ulen dhe të dialogojnë në mënyrë që të gjejnë një zgjidhje e cila do t’i kënaqte të dy palët në mënyrë që jeta të fillojë përsëri t’i kthehet normalitetit. Komunat nuk janë palë e kësaj çështje e këtij problemi por komunat janë duke pësuar nga ky problem”, tha ai.
Tutje Ibrahimi tha se për të zgjidhur këtë problem duhet që të dy palët të bashkëpunojnë.
Ai bëri apel që kjo të ndodhë sa më shpejt pasi që sipas tij qytetari është duke pësuar më së shumti nga kjo situatë.
“Ne gjithashtu edhe njëherë bëjmë apel që këto dy palë të ulen sa më shpejt që është e mundur në mënyrë që t’i trajtojnë problemet të cilat po i shohim, nuk mund t’i mbyllim sytë dhe të themi se nuk kemi problem me grevë por duhet një bashkëpunim i sinqertë. Problemi më i madh është që qytetari është duke pësuar, edhe komunat po pësojnë mirëpo ato po pësojnë për shkak të mosdialogut në nivel qendror ku pastaj qytetari nuk po mundet t’i marrë shërbimet”, tha Ibrahimi./Teve1.info/
