E kohëve të fundit kjo lodër po gjendet edhe në tregun kosovar.
Me të arritur në tregun kosovar, janë shqetësuar edhe prindërit, madje kërkojnë largimin e saj.
Përderisa edhe në aspektin psikologjik po cilësohet si imazh jo i mirë për fëmijët.
Personazhi i dalë nga filmi “I ndjekur nga Huggy Wuggy”, simbolizon përqafimin deri në vrasje.
Ndryshe ajo njihet edhe si krijesë gjakpirëse.
Në aspektin psikologjik, po konsiderohet se tek fëmijët paraqitja e një imazhi të tillë është e gabuar.
Psikologu Naim Telaku vlerëson se fëmijët, përqafimin që bënë personazhi, mund ta marrin si të rrezikshëm.
Ndërsa më të shqetësuarit nga qarkullimi i kësaj loje në treg janë prindërit.
Madje kërkojnë edhe largimin e saj.
Huggy Wuggy, është një ndër lodrat më të shitura në të gjithë botën për këtë vit, madje është bërë edhe video-lojë.
Kronika e realizuar nga Valëza Sylejmani
