Gashi në emisionin “Këndi i Debatit”, tha se adresa e sulmeve kibernetike janë institucionet publike, mediat dhe kompanitë telekomunikuese.
“Është e rëndësishme të trajtohen këto çështje që sot po ballafaqohen thuajse gjithë qytetarët e jo veq institucionet me sulmet kibernetike. Adresa e sulmeve janë institucionet publike, mediat dhe kompanitë telekomunikuese”, deklaroi ai.
Ai thotë se gjatë ditëve të fundit të sulmeve masive kibernetike, deri më tani sipas tij, nuk janë cenuar të dhënat dhe informacionet e shtetit.
“Sulmi i quajtur ‘DIDOS’ është një mënyrë e sulmeve masive që kanë përpjekje që defunksionalizojnë sistemet e informacionit, ofrimeve e shërbimeve elektronike qoftë në komunikim të brendshëm në administratë. Gjatë këtij sulmi masiv të këtyre ditëve, deri tani sipas informacioneve që janë nuk janë cenuar të dhënat dhe informacionet e ndjeshme të shtetit”, theksoi Gashi. /teve1.info/
