Në një reagim në Facebook, ai ka thënë se gjatë ditës kanë komunikuar me zyrtarë nga Ministria e Drejtësisë në Danimarkë dhe kanë marrë konfirmimin e tyre se asgjë nuk ka ndryshuar.
“Gjatë ditës së sotme, kemi komunikuar drejtpërdrejt me zyrtarët nga Ministria e Drejtësisë së Mbretërisë së Danimarkës dhe ata na kanë konfirmuar se qëndrojnë tërësisht pranë zotimeve të dakorduara në Traktat dhe asgjë nuk ka ndryshuar në raport me marrëveshjen e përbashkët”, ka shkruar Sallahu.
Ndryshe media daneze duke ju referuar një kumtese të Shoqatës së Burgjeve kanë raportuar se Danimarka ka pezulluar marrëveshjen për shkaqe financiare./teve1.info/
