Zeqiri ka thënë se kërkesë e Policisë së Kosovës është të rangohen me koeficient të njëjtë me Forcat e Sigurisë së Kosovës.
“Ende nuk kemi arritur që të analizojmë çdo detaj të këtij Projektligji. Kërkesë e Sindikatës së Policisë së Kosovës është që të rangohet me koeficient të njëjtë me FSK-në, kur dihet që të dy institucionet janë institucione të sigurisë së Kosovës”, tha ai në emisionin “Këndi i Debatit” në Tëvë1.
Ai thotë se pse Policia e Kosovës duhet të jetë më pak me koeficient sesa FSK-ja, teksa tregon kompetencat e PK-së për zbatim të ligjit.
“Aktualisht Policia e Kosovës është me kompetenca dhe autorizime për zbatimin e ligjit në të gjitha fushat e sigurisë, qoftë me mbrojtjen e rendit dhe sigurimin dhe qetësisë publike etj. Fatkeqësisht që FSK-në ende nuk e kemi me këto kompetenca, prandaj kompetenca kryesore e sigurisë së vendit i bie Policisë, dhe pse të jemi më pak me koeficient apo të vlerësuar me gradat që i kemi edhe ne edhe FSK-ja”, deklaroi Zeqiri.
Koeficienti sipas Projektligjit për Paga për Policinë e Kosovës është 4.5. /teve1.info/