Shala në Tëvë1 tha se nuk e ka të qartë se çka ka dashur të thotë Kurti kur theksoi se do ta kuptojmë ditëve në vijim.
“Nuk e kam të qartë atë që tha ditëve në vijim, nuk e kam të qartë. Ne vetëm një gjë e dimë se nga 25 mijë e 500 anëtarë që i kemi dmth si SBASHK, që është sektori i arsimit që nga qerdhet e deri në universitet mësimdhënësit natyrisht që u takojnë partive të ndryshme deri sa janë 25 mijë e 500 anëtarë. Ndërsa sa i përket asaj që SBASHK-u është e politizuar nuk është e politizuar, ngase ne kemi bërë përpjekje që nga viti i kaluar për kërkesat tona që tashmë janë të njohura për gjithë publikun”, tha ajo.
Kurse shtoi se greva në arsim ka ardhur pasi që sipas saj, tashmë nuk ka mbetur rrugëdalje tjetër.
“Kemi bërë protestën me një grup më të vogël që kanë qenë të përfshirë kryetarë të sindikatave komunale bashkë me kryesinë, bashkë mer kryetarët e shoqatave, kemi bërë edhe grevë një orëshe, pastaj e kemi shterrur edhe mundësinë e ndërmjetësuesit ligjor meqë e parasheh ligji. Kështu që kur të gjitha këto nuk kan dhënë kurfar rezultati atëherë neve nuk na ka mbetur rrugëdalje tjetër përveç të shkohet me veprimin sindikal, pra me grevën e përgjithshme që është shpallur nga ana e BSPK-së me 25 gusht”, tha ajo./teve1.info./
