Policia e Kosovës ka njoftuar se shtetasit e huaj të cilët janë futur në mënyrë ilegale, janë identifikuar nga njësitet e Doganës së Kosovës.
“Më datë 12.09.2022 rreth orës 15:30, Policia e Kosovës ka pranuar informacione relevante se në terminal doganor në Prizren përmes një kamioni me targa vendore janë futur në mënyrë ilegale në Republikën e Kosovës katër (4) shtetas të huaj. Menjëherë njësiti policor iu ka përgjigjur informacionit, janë kontaktuar zyrtarët doganor të cilët gjatë kontrollit në kamionin e tipit Mercedes, brenda në rimorkio ku kishte të ngarkuar pako higjienike kishin gjetur të fshehur katër (4) persona meshkuj shtetas të huaj”, thuhet ndër tjerash në njoftim.
Tutje, bëhet e ditur se njësitet policore janë marrë me rastin për procedura të mëtejme ligjore./teve1.info/
