Në një lidhje direkte në emisionin “Ditari” në Tëvë 1, ajo thotë se rastet e mëparshme nuk janë raportuar për shkak të mosbesimit nga reagimi adekuat institucional.
“Përshtypja e parë është që rastet e ngacmimeve, rastet e dhunimeve gjithmonë kanë ndodhë dhe kanë qenë prezente në shoqëri por për shkak të frikës nga stigma dhe frikës e mosbesimit nga reagimi adekuat institucional janë heshtur… E kam përshtypjen që rasti i fundit i 11-vjeçares dhe reagimi publik të cilin e prodhoi ky rast i intensifikuar dhe referuar u ka jep mbase forcë dhe kurajo rasteve tjera që të raportohen në Polici me vetë faktin që d.m.th janë nga ajo çfarë njihet nga komunikatat e PK-së janë raste që kanë ndodhur më herët dhe natyrisht që çdo herë që ndodhin krimet të tilla të caktuara para se të ketë një reagim institucional është tepër e nevojshme ta kemi atë mbështetjen e rrethit familjar”, tha ajo.
Madje, Prokshi thekson se mosreagimi publik dhe i organeve përgjegjëse lidhur me rastet e dhunimeve seksuale, u “ka ndihmuar kryerësve të mos ndalen as nga rrethi por as të penalizohen nga
shoqëria”.
Po ashtu, ajo thotë se është e domosdoshme futja e lëndës së edukimit seksual në korikulat shkollore.
Sipas saj, kjo do të ngriste vetëdijësimin dhe ndërgjegjen e fëmijëve të mitur.
“Një prej aspekte pa dyshim është çështja e edukimit seksual nëse do ta emëronim në mënyrë të tillë një lëndë e cila do të ngriste vetëdijesimin, ndërgjegjen te të gjitha palët brenda shkollës sikurse te ata fëmijë të mitur të cilët mbase vijnë nga rrethana shoqërore që kanë predispozita me qenë viktima por njëkohësisht edhe te ata fëmijë të mitur, e theksoj që kanë predispozita apo janë të ushqyer për me qenë kryes të veprave kundërvajtëse apo penale në moshë kaq të re”, shtoi ajo./teve1.info/
