Shala në emisionin “Ditari” në Tëvë1, tha se detyra e pushtetit dhe opozitës është mbrojtja dhe integriteti territorial i Kosovës.
“Çka është e pakuptimtë që në pikat e caktuara ku është interesi primar i shtetit, si pushteti edhe opozita janë duke u krekosur për meritat e tyre. Këta janë pjesëtarë të Policisë së Kosovës dhe të qeverisë Thaçi 1, 2, Mustafa, Haradinaj, Hoti, Kurti. Këta janë pjesëtarë të PK-së. Detyra e tyre primare është mbrojtja dhe integriteti territorial i Kosovës”, ka deklaruar ai.
Ai thotë se Qeveria edhe opozita duhet të mendojnë njëherë e përgjithmonë për mirëqenien e pjesëtarëve të Policisë së Kosovës.
“Duke parë gjithë këtë telenovelë politike, duke i shfrytëzuar pjesëtarët e Policisë së Kosovës është mirë edhe qeveria dhe opozita të mendojnë njëherë e përgjithmonë për të mirëqenien e pjesëtarëve të PK-së”, theksoi Shala. /teve1.info/
