Ai ka thënë se nga mënyra se si sheh dialogun themelimi i Asociacionit do të jetë pjesë e marrëveshjes përfundimtare.
“Nuk mund të ketë një marrëveshje përfundimtare pa u adresuar çështja e Asociacionit. Interesi i Kosovës është që të shtyhet sa më shumë kjo çështje dhe të përfshihet në marrëveshjen përfundimtare. Jam i sigurt që do të ketë kërkesa nga Serbia që Asociacioni të përfshihet në agjendë, por nëse Kosova e refuzon kjo mund të shtyhet. Por ashtu siç e shohë unë themelimi i Asociacionit do të jetë pjesë e marrëveshjes përfundimtare”, ka thënë Bytyqi në emisionin “Ditari” në Tëvë1.
Duke folur për arritjen e një marrëveshje përfundimtare ndërmjet dy vendeve, ai vlerëson se është e vështirë që të arrihet deri në fund të këtij viti, por siç thotë ai arritja e marrëveshjes nuk është më çështje vitesh por muajsh.
“Deri në fund të vitit ndoshta është vështirë të themi se mund të kemi një marrëveshje përfundimtare, por një marrëveshje mund të arrihet brenda disa afateve disa mujore edhe nëse nuk ndodhë brenda këtij viti”, ka thënë Bytyqi.
Ai thotë se problemi kryesor në arritjen e një marrëveshje qëndron tek Serbia e cila nuk është në gjendje ta njoh realitetin e ri.
