Sipas tij në këtë tender ka pasur abuzime pasi që thotë se janë punësuar 6 persona, njerëz të afërt me partitë në pushtet.
“Tenderi tjetër, konsulenca tjetër e cila ka qenë e parashikuar me një vlerë prej 400 mijë euro por është realizuar në vlerë prej 200 e 40 mijë euro ku janë punësuar 6 persona për konsulentë për mbikëqyrje të projekteve të Komunës së Prishtinës dhe rastisi se këta 6 persona të jenë, në mesin e tyre ka edhe ish kandidat për asamble nga partitë në pushtet, pastaj ka familjar të zyrtarëve të lartë që punojnë në komunë e Prishtinës, domethënë edhe këtu kemi të bëjmë me një abuzim, faktikisht është punësim i atyre personave. Ish- kandidatët për asamble, konkretisht nga Partia Demokratike e Kosovës që nuk kanë arritur të bëhen asamblist, tani janë të punësuar me këtë thirrje për konsulencë”, tha ai.
I ftuar në emisionin “Info Nata”, Sveçla tha se Komuna e Prishtinës nuk ka nevojë të krijoj vende të reja të punës teksa akuzoi partitë në pushtet edhe për përbuzje ndaj zyrtarëve komunal.
“Nuk lejohet me ligj dhe nuk ka nevojë Komuna e Prishtinës të krijoj vende të reja të punës për momentin, atëherë e kanë gjetur këtë metodën e kosulencës dhe përmes saj i kanë “rehatuar” disa përkrahës të tyre. Ata ekspertë të cilët janë pranuar në punë paguhen rreth 1000 euro në muaj dhe kjo në njëfarë mënyre është përbuzje ndaj arkitektëve dhe ndaj personave të tjerë profesional të cilët punojnë në komune, kanë kontrata të rregullta dhe e bëjnë punën e njëjtë, mbikëqyrjen e projekteve”, shtoi tutje asamblisti i VV-së në Prishtinë./Teve1.info/
