Lidhur me këtë ai ka deklaruar se Kurti “nuk ka çfarë të kërkojë në veri të Kosovës”, raporton N1.
Madje, këtë vizitë Petkoviq e ka krahasuar me atë të kryeministres serbe, Ana Bërnabiq.
“Suksesi i vizitës së Ana Bërnabiqit në krahinën tonë jugore është dëshmuar më së miri nga fakti që menjëherë, të nesërmen, Albin Kurti vrapoi për të bërë fotografi në veri të Kosovës dhe Metohisë”, ka thënë Petkoviq në një deklaratë për media të mërkurën.
Sipas tij, “për dallim nga Bërnabiqi që u prit me entuziazëm nga mijëra serbë, Kurti u fut në formë sekrete që të mos takonte aksidentalisht serbë, ndërsa të vetmit që e pritën ishin pjesëtarët e ROSU-s”.
Tutje, Petkoviq thotë se Kurti ka për qëllim vetëm të shkaktojë tensione, provokime e pasiguri.
“S’ka asnjë dyshim që Kurti e mban mend mirë se si populli serb i tregoi se s’ka çka kërkon në veri të Kosovës dhe Metohisë kur së fundmi u përpoq publikisht të hynte në një ambient serb. Prandaj edhe u fut tinëz dhe incizoi ‘trimërisht’, për të bindur veten se është në të vërtetë në veri”, ka thënë Petkoviqi.