Përmes njoftimit, Policia ka bërë të ditur se të dielën ajo kishte raportuar se në një lokal kishte parë një person duke nxjerrë një armë zjarri nga sirtari i banakut.
“Policët e rendit dhe hetuesit e stacionit në Ferizaj, nën autorizim të Prokurorit të Prokurorisë Themelore në Ferizaj, i kanë marrë të gjitha veprimet e nevojshme dhe kishin nisur hetimin, duke kontrolluar personelin dhe lokalin, mirëpo aty nuk kanë gjetur asgjë”, thuhet ndër tjerash në njoftim.
Tutje, PK ka njoftuar se e dyshuara sërish kishte përsëritur denoncimin e njëjtë se në këtë lokal ka armë zjarri, ku pas kontrolleve të nevojshme nuk është gjetur asgjë.
Sipas njoftimit, Policia nën dyshimin se mund të ketë lajmërim të rrejshëm ka nisur hetimet ndaj personit anonim që ka lajmëruar Policinë dhe pas një pune hetimore është arritur të identifikohet e dyshuara dhe vendndodhja e saj.
“Pas intervistimit nga hetuesit policorë, ajo në tërësi e ka pranuar veprën, ndërsa me vendim të Prokurorit të rastit e njëjta është ndaluar për 48 orë, për procedura të mëtejme hetimore dhe ndaj saj është iniciuar kallëzim penal, nën dyshimin se ka kryer vepër penale ‘Lajmërimi, apo kallëzimi i rrejshëm’’, thuhet në njoftim./teve1.info/
