Këtë deklaratë ai e thotë për shkak se sipas tij, me këto arrestime po krijohet një imazh i keq për Policinë e Kosovës dhe zyrtarët e saj.
“Të gjithë ata që me vetëdije kryejnë vepër penale kudoqoftë e sidomos në institucione të sigurisë vërtetë nuk na duhen të jenë pjesëtarë. Ndërsa, vërejtja ime që e kam adresu çdo herë dhe krijimi i një imazhi të keq kanë qenë arrestimet para kamerave në grup të zyrtarëve policor nga IPK që mendoj këtu është bërë pse e kanë bërë atë është një e padrejtë që i është bërë PK-së, jo të arrestohen ata që kanë faj. Kam thënë kështu: janë disa rregulla gjatë fazës hetimore, zyrtarin policor të arrestohet para kamerave e kam quajtur spektakël që e ka bërë IPK dhe humbje e imazhit të PK-së”, tha ai.
Po ashtu, Zeqiri në emisionin “Ditari” në Tëvë 1 ka kritikuar edhe mënyrën e zhvillimit të hetimeve nga IPK-ja ndaj zyrtarëve policorë, duke thënë se nuk dërgojnë paraprakisht ftesa për intervistim.
“Është një rregull tjetër; nëse nuk i përgjigjet ftesës zyrtare një zyrtar policor që supozohet se ka kryer vepër penale qoftë nga IPK apo organe tjera është obligativ mbikëqyrësi i tij me çu në Gjykatë dhe kjo që nga themelimi i PK që një zyrtar të ftohet dhe mos t’i paraqitet asaj nuk ka ndodhur, prandaj këtë e kam kërkuar nga hetuesit e IPK-së që nuk ka nevojë t’i vendoset pranga zyrtarit policor të bëhet spektatël derisa ai si përgjigjet një ftesë zyrtare kjo është që e kam quajtur humbje të imazhit”, u shpreh ai.
Madje, kreu i Sindikatës shton se ka informacione që tre policë që ishin arrestuar nga IPK-ja, tashmë janë kthyer në punë për shkak të mungesës së provave për t’u hetuar.
“Ky është mendimi im personal, këto arrestime po ndodhin vetëm për të krijuar përshtypje se IPK është duke bërë jashtëzakonisht punë të madhe. Unë këtë e kam kundërshtuar me fakte dhe argumente që të gjitha rastet që i ka hetuar IPK shumica e tyre janë shpallë të pafajshëm dhe janë kthyer i kryejnë detyrat zyrtare normale… Në dy grupet e fundit që janë arrestuar kam siguruar vendim për tre persona që i kanë ndërprerë hetimet në mungesë të provave janë arrestuar persona të pafajshëm, është një dëm i madh”, shton ai./teve1.info/
