Abdixhiku në Facebook ka thënë se nuk ka luftë të mësimdhënësve e komunave ndaj shtetit sepse sipas tij, komunat e mësimdhënësit janë vet shteti.
“Kosova ka nevojë për urtësi, jo për ofendim e kaq polarizim depresiv. Nuk ka luftë të mësimdhënësve e komunave ndaj shtetit. Që të dy, komunat e mësimdhënësit janë vet shteti. Sot, Kurti dështoi të kapërcej veten. Refuzoj dialogun dhe nuk arriti të trajtojë me respekt shtetari problemin e mësimdhënësve tanë – njerëzve të këtij vendi. Zgjidhjet e tij të njëanshme që nuk plotësojnë nevojat themelore të mësimdhënësve, janë veçse improvizim. Si i tillë, ky plan pa dialogim, thellon përçarjen e mbanë shkollat tona të mbyllura”, ka shkruar ai.
Teksa ka thënë se Qeveria ka për obligim që inflacionin prej 20% ta përkthejë në rritje të të hyrave për të gjithë. Por për fillim sipas tij, Qeveria duhet të bisedojë me mësimdhënësit pa arrogancë e pa hezitim./teve1.info/
.
